EOLAS FAOI THUILTE
Tá tuilte ar cheann de na fórsaí nádúrtha is mó scrios. Bhí tuilte de shaghas éigin i ngach contae in Éirinn, i ndiaidh bháisteach an earraigh, drochstoirmeacha toirní nó nuair a tháinig coscairt an earraigh. Ní féidir iad a thuar i gcónaí agus d’fhéadfaidís daoine a mharú.
Seo roinnt eolais a léiríonn chomh contúirteach is a bhíonn tuile:
- D’fhéadfadh 300 mm d’uisce a bhfuil sruth sciobtha ann gach carr nach mór a bhrú den bhóthar.
- Ní theastaíonn ach 150 mm d’uisce a bhfuil sruth sciobtha ann chun thú a leagan go talamh.
- Tuarann eolaithe go mbeidh tuilte ann níos minice amach anseo mar gheall ar athrú aeráide.
- Maraítear 66% díobh siúd a fhaigheann bás i rith tuilte i bhfeithiclí, agus tarlaíonn sé go hiondúil nuair a dhéanann tiománaí botún tromchúiseach amháin agus iarracht a dhéanamh tiomáint trí thuile.
- Tá tuilte ar an tubaiste nádúrtha is coitianta agus is forleithne.
- Déanann uisce an oiread sin damáiste d’aon trian de na bóithre agus droichid faoi uisce nach bhfuil ach seans 50% ag feithicil ar bith iad a thrasnú go sábháilte.
- Bogann tuilte tapa go leor le bolláin a bhogadh, crainn a leagan go talamh agus droichid a scriosadh – próiseas ar a dtugtar sciúradh.
- Bíonn uisce i dtuilte salaithe go minic mar gheall ar dhraenacha atá ag cur thar maoil, ainmhithe marbha agus bruscar.
- Is féidir le sruthanna leictreachais sreabhadh tríd an uisce ó línte cumhachtaí agus cáblaí a leagadh.
- Bíonn tuilte in ann clúdaigh dúnphoill agus draenacha a bhogadh, rud a chruthaíonn dainséar nach bhfuil le feiceáil.
- Toisc go ndíláithríonn uisce meáchain coirp, dá dhoimhne an duine san uisce, is é is lú meáchan atá ann, mar sin bíonn sé níos deacra air fanacht ina sheasamh.